អគ្គិភ័យនៅខណ្ឌទួលគោកឆេះឃ្លាំងលក់ឡាន មួយឃ្លាំង ឆេះឡានអស់ ៤គ្រឿង ម៉ូតូ ២គ្រឿង ឃ្លាំងស្តុកលក់គ្រឿងបន្លាស់រថយន្ត ២ឃ្លាំង ផ្ទះ៤ល្វែង
10-May-2018 | ដោយ ពលមនសិការ
ភ្នំពេញ ៖ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យនិងសង្គ្រោះ បានឲ្យដឹងថានៅថ្ងៃទី១០ ខែឧសភា ឆ្នាំ២០១៨ វេលាម៉ោង ០៣នឹង៣០នាទីទៀបភ្លឺ មានអគ្គិភ័យមួយកន្លែងកើតឡើងនៅទីតាំងឃ្លាំងលក់ឡានយីហោ សោម ច័ន្ទថា ស្ថិតនៅដីឡូត៍លេខ៣៦ ផ្លូវលេខ២១៩ ភូមិ១៥ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
លោកនាយការិយាល័យបានបន្តថាក្នុងហេតុការណ៍អគ្គិភ័យខាងលើបណ្តាលឲ្យឆេះឃ្លាំងលក់ឡានចំនួនមួយឃ្លាំង ឆេះឡានអស់ ៤គ្រឿង ម៉ូតូ ២គ្រឿង ឃ្លាំងស្តុកលក់គ្រឿងបន្លាស់រថយន្ត ២ឃ្លាំង ផ្ទះល្វែងថ្មក្រោមឈើលើចំនួន ២ល្វែង ផ្ទះឈើចំនួន ២ខ្នង។ ក្នុងហេតុការណ៍នោះមិនបណ្តាលឲ្យមានមនុស្សស្លាប់ឬរបួសឡើយ ហើយមូលហេតុកម្លាំងជំនាញកំពុងស្រាវជ្រាវ។
ក្នុងប្រតិបត្តិការជួយសង្គ្រោះកម្លាំងការិយាល័យនគរបាលបង្ការពន្លត់អគ្គិភ័យនិងសង្គ្រោះបានប្រើប្រាស់រថយន្ត២៥គ្រឿង ប្រើប្រាស់ទឹកអស់១៩៩ឡាន ស្មើនឹង៦៧៦ម៉ែត្រគូ រថយន្តជំនួយរថយន្ត ង៧០ចំនួន ៤គ្រឿង ប្រើប្រាស់ទឹក អស់៦ឡាន ស្មើនឹង ៤៤ម៉ែត្រគូប, រថយន្តកងរាជអាវុធហត្ថរាជធានីភ្នំពេញចំនួន ៥គ្រឿង ប្រើប្រាស់ទឹក អស់១០ឡាន ស្មើនឹង២០ម៉ែត្រគូប, រថយន្តក្រសួងមហាផ្ទៃចំនួន ៤គ្រឿង ប្រើប្រាស់ទឹកអស់១២ឡាន ស្មើនឹង៥៤ម៉ែត្រគូប, រថយន្តក្រុមហ៊ុន OCICជ្រោយចង្វារចំនួន ៤គ្រឿង ប្រើប្រាស់ទឹកអស់៥ឡានស្មើនឹង៣៩ម៉ែត្រគូប, រថយន្តក្រុមហ៊ុនស្រាប្រៀរកម្ពុជាចំនួន មួយគ្រឿង ប្រើប្រាស់ទឹកអស់៣ឡានស្មើនឹង១៨ម៉ែត្រគូប។
លោកនាយការិយាល័យបានបញ្ជាក់បន្ទាប់ពីប្រតិបត្តិការជួយបាញ់ពន្លត់ជាច្រើនម៉ោងកម្លាំងជំនាញគ្រប់គ្រងស្ថានការបានទាំងស្រុងនៅវេលាម៉ោង៩និង៣០នាទីព្រឹកថ្ងៃដដែល ៕
ចំនួនអ្នកទស្សនា
- ថ្ងៃនេះ8351
- ម្សិលមិញ9421
- សប្តាហ៍នេះ64011
- ខែនេះ179161
- ឆ្នាំនេះ179161
- សរុប20621617